حاجات لفتت انتباهي
بما أن المنتدى من أهدافه محاربة الظواهر الاجتماعية السالبة في كلكول فأقول الأتي
زيارة القبور أتكلموا فيها كثير ناس يقولوا حرام وناس يقولوا حلال إذا كنا ماشين نزور عشان نتذكر الآخرة ويوم الحساب وندعي لموتانا مافي مشكلة وإذا كنا ماشين نبكي وننوح ونطلب من الموتى تحقيق الأماني ده أكيد فيه مشكلة
الظاهرة الغريبة في كلكول الأيام دي زيارة قبر جدنا ننا رحمه الله وتقبله قبولا حسننا ربنا قال اذا مات ابن ادم انقطع عمله إلا من ثلاث.........
وأكيد في حاجة اسمها أولياء الله الصالحين وإذا كان هو ولي من أولياء الله الصالحين وزرناه نطلب منه أن يدعوا الله لنا وهو حي ما فيها حاجة بس هو ميت كيف نحنا نمشي ليه ونطلب منه تحقيق ما نريده كان زمان نشوف الناس بتجيهو من قري ثانية بس ناس كلكول دي حاجة جديدة عليهم وكمان زوار ابونا ننا كلهم شباب ومتعلمين وزيارة ننا يومين في الأسبوع كمان محدده السبت والثلاثاء واديكم الاستطلاعات ألعملتها مع الشباب زوار ابونا ننا حتى اوضح أكثر
*شابة في 21 من عمرها سألتها ليه بتزوري أبونا عشان تدعي ليه بالمغفرة!
*يا أستاذه ادعي ليه أنا
كمان ده أبونا ننا يدو لاحقة وطايلة لو قلتي الكلام ده ببهدلك أنا والله دايره لي عريس ودي الزيارة السادسة وفضل لي أخر واحدة يعني السابعة و7 زيارات يحقق ليك الحاجة الدايراها
*يا زولة ده زول ميت كيف بجيب العريس انتي صلي ليك ركعتين واطلبي من ربنا وربنا بدي الجنة اكيد حيديك العريس
* يا زولة هي أي حاجة ولا ابونا وذهبت
*دي واحدة ثانية متزوجة وعندها بنتين
*ماشة لي أبونا
* أي والله انا حامل ودايرة لي ولد وقالوا لي زوريه سبعة سبوت بديك ليه ابونا أي حاجة عايزاها بديك ليها بت خالتي جاب ليها زوجها من ليبيا بعد غربة 5 سنة
* كيف لكن
*قاطعتني اسأل مجرب ولا تسال طبيب
*واحدة ثالثة راجعة من أبونا قلت لها مالك وكان واضح عليها الفرح قالت لي دخلت يدي في القبر طلع لي عرق اخضر وده معناه امشي البيت الدايراه حيحصل
هكذا أصبح الشباب لا اعرف ما السبب هل ضغوط الحياة أم الحاجة أم قلة الوازع الديني يا تري ما العلاج ما حل هذه المشكلة
الأحد 28 يونيو 2020, 8:26 am من طرف amirageeb
» تجربتي مع برنامج الواتس اب تعالو شوفو اللي حصل
السبت 08 أبريل 2017, 8:11 pm من طرف zezeey saad
» برنامج مشاهدة الكره الارضيه بكل وضوح EarthView 4.5
الثلاثاء 01 نوفمبر 2016, 2:57 pm من طرف كمال الزيتوني
» عيد سعيد وكل عام والناس بخير
الأربعاء 06 يوليو 2016, 12:54 am من طرف blueshade
» مبادرة شباب كلكول
الجمعة 29 أبريل 2016, 1:14 pm من طرف amirageeb
» وعندك واحد جقاجق
الخميس 03 مارس 2016, 9:15 pm من طرف al-pegaa
» أحلي صباح
الثلاثاء 20 أكتوبر 2015, 9:18 am من طرف احلام
» عيد سعيد وكل عام وأنتم بخير
الجمعة 17 يوليو 2015, 10:45 am من طرف amirageeb
» واجب وعزاء
السبت 18 أبريل 2015, 4:42 pm من طرف amirageeb
» إعادة توجيه "اللوحات العظيمة من أحد أعضاء منتدياتنا"
الأربعاء 03 سبتمبر 2014, 10:37 am من طرف زاهر النهيا